कंहवा से अइले रे सुगनवा, फलवा दिहले जुठार

 अब का चढ़ाइयो छठी मइया के, मइया होईहें नाराज़ 

मइया होईहें नाराज़ 

काहे के नाराज़ बाड़ू तिवई, भुखिया रहे बडियार 

छठी मैया करा तू पुजनवा, मइया होइहें सहाय 

कंहवा से अइले रे सुगनवा, फलवा दिहले जुठार

 फलवा दिहले जुठार

 तोहके जे पइबो रे सुगनवा, तोहे मरबो जरूर

 तोहे मरबो जरूर

 उतरा हे छठी मइया के भोजनवा, काहे खइला हुजूर

 काहे खइला हुजूर

कंहवा से अइले रे सुगनवा, फलवा दिहले जुठार

फलवा दिहले जुठार 

उखिया से चली जात जनवा, एहि से खइली ज़रूर

एहि से खइली ज़रूर

हम ता धीर धइले हो रहनी, ललना रोये हमार 

ललना रोये हमार 

कंहवा से अइले रे सुगनवा, फलवा दिहले जुठार फलवा दिहले जुठार