तन मन से करतानी राउर हम बरतिया

राउर हम बरतिया जी राउर हम बरतिया

सुन लिहीं छ्ठी माई सेवकिन के अरजिया सेवकिन के अरजिया

जी सेवकिन के अरजिया अब निक/ निमन कर दीं छठी माई पतिया के मतिया

🌺🌺🌺🌺🌺🌺🌺🌺🌺🌺🌺🌺
भरम हम कोसी मईया लियाईम फल फूलवा

मोतियन से सजाईम मईया सुपवा कलासवा

जोड़ा सुपलवा से अरघ हम देम

पिया के बलईया उतार रउवा लेम

सईयां हमार बाड़न जिनगी के थतिया ।

अब निक/ निमन कर दीं छठी माई पतिया के मतिया

🌺🌺🌺🌺🌺🌺🌺🌺🌺🌺🌺🌺
टार देलन बात हमार जे कुछ कहीं

बुझस ना दरद बलमू कईसे हम रहीं

जिनगी के रहिया जेकरा संग बाटे चले के

कसम खईलें जे संग जिए मरे के

मानसु नाही संतोष शशि अब एको मोर बतिया

अब निक/ निमन कर दीं छठी माई पतिया के मतिया

🌺🌺🌺🌺🌺🌺🌺🌺🌺🌺🌺🌺

घर परिवार से दूर हम बानी,

माथ पे बाटे बड़ जिम्मेदारी

मन में हुलस बाटे,

हाथ में कलस बाटे

आदितनाथ से भी करी हम बिनतिया

अब निक/ निमन कर दीं छठी माई पतिया के मतिया